Semeı, Temirtaý jáne Shymkentti energııamen qamtýda problemalar týyndaýy múmkin
Bul týraly búgin Úkimet otyrysynda QR Energetıka mınıstri Qanat Bozymbaev málim etti.
«Bıylǵy kúzgi-qysqy maýsymda úsh aımaqta oryn alyp otyrǵan jaǵdaı tutynýshylardy turaqty energııamen jabdyqtaý jumystaryna kedergiler týdyrýy múmkin. Atap aıtqanda, Semeı qalasynyń «Jylýkommýnenergo» kásipornyna tutynýshylar shamamen 354 mln.teńge bereshek, bul jaǵdaı jóndeý jumystaryn júrgizýge keri áserin tıgizedi. Qazan aıynan bastap áleýmettik nysandarǵa jylý berýdi josparlap otyrmyz, kásiporynda kómirdi jınaý jumysy qyrkúıektiń ortasynda bastaldy. Mazýtty jetkizý máselesi sheshilgen joq, aldyńǵy jyldan da qalǵan mazýt joq», - dedi mınıstr.
Onyń aıtýynsha, Temirtaý qalasynda materıaldar merziminen kesh jetkizilgendikten «Arselor Mıttal Temırtaý» aktsıonerlik qoǵamyndaǵy №1 qazandyqty jáne 2-shi Jylý elektr stansasyndaǵy №1 týrbınany kúrdeli jóndeýden ótkizý merzimi qazannyń ortasyna deıin, al № 2 qazandyqty jóndeý 30 qyrkúıekten 25 jeltoqsanǵa deıin uzartylǵan. ıAǵnı, kúzgi-qysqy maýsymda negizgi jabdyqtardyń rezervi qamtamasyz etilmeıdi.
«2015 jyldyń jeltoqsanynda jylý elektr stansasynda apat boldy. Apat saldarynan barlyq generatsııalaý jabdyǵy tutastaı isten shyqty, rejimdi tolyq iske qosý eki aıǵa sozyldy. Arsellor Mıttal Temirtaýdyń 2-shi jylý elektr ortalyǵyna jáne jylý elektr ortalyǵynyń bý-aýa shyǵaratyn stansasyna aldaǵy jylǵy jylý berý maýsymyna ázirlik tólqujaty berilgen joq»,- dedi ol.
Munan bólek, Q.Bozymbaevtyń aıtýynsha, 1 686 mln.teńgeni quraıtyn bereshegi ótelmegendikten «Energoortalyq-3» AQ Shymkenttik jylý elektr ortalyǵyna gaz berý osy jyldyń 21 tamyzynan bastap toqtatylǵan.
«2014 jyldyń jeltoqsan aıynda Shymkenttik jylý elektr ortalyǵynda qýattylyǵy 125 MBA quraıtyn AT-2 avtotransformatory isten shyqty. Onyń ornyna 2015 jyly qýattylyǵy 63 MVA quraıtyn avtotransformator ýaqytsha qoıyldy. Endi qýattylyǵy 125 MBA quraıtyn AT-2 avtotransformatoryn aýystyrý qajet. Qazirgi ýaqytta avtotransformatorǵa Shymkenttik jylý elektr ortalyǵynda montajdaý jumystary júrgizilip jatyr», - dedi mınıstr.
