Semeı synaq alańyn ıÝNESKO-nyń «Halyq jady» tizbesine engizemiz - QR Ulttyq kitaphanasynyń Bas ǵylymı hatshysy
ALMATY. 12 sáýir. QazAqparat /Erlik Erjanuly/ - Semeı ıadrolyq synaq alańy álemde áli kúnge deıin halyq turyp jatqan álemdegi jalǵyz polıgon. Bul týraly búgin Almatyda ótken «Chernobyl AES-daǵy ıadrolyq apatqa 25 jyl» dep atalatyn halyqaralyq dóńgelek ústel jıynynda aıtyldy.
«Kitaphana - qasıetti oryn. Ol kelgen adamdardyń tek kitap oqýyna ǵana jaǵdaı jasamaı, osynda túrli sharalardy ótkizip turady. Sondyqtan da óz basym kitaphanany qoǵamdyq ómirdiń shoǵyrlanǵan kindigi dep sanaımyn. Bizde ıÝNESKO-nyń ulttyq komıssııasy bar. Komıssııa jumyskerleri men QR Ulttyq kitaphana qyzmetkerleri ıÝNESKO-nyń «Halyq jady» degen tizbesine Semeı synaq alańyn engizgeli jatyr», - deıdi QR Ulttyq kitaphanasynyń Bas ǵylymı hatshysy Edilhan Ysmaıyluly. Onyń aıtýynsha, mundaı apat orny halyq jadynda máńgi umytylmaıdy. Ǵaryshkerler kúni men Chernobyl AES-degi apattyń 25 jyldyǵyna arnalǵan bul sharanyń arasynda ózara baılanys bar. Biri adamnyń ǵaryshqa kóterilgen juldyzdy sátine arnalsa, ekinshisi tótenshe apattyń úlken zardabyn eske túsirýge baǵyttalǵan. Ómirdiń mundaı 2 sátterin árdaıym este qatar ustaýymyz kerek.
