Semeı sotynda qoǵamdyq kólik máselesi talqylanyp jatyr
Semeı turǵyndary úshin qoǵamdyq kólik máselesi áli kúnge deıin ózektiligin joǵaltqan joq. Shahar basshysy Nurymbet Saqtaǵanov baspasóz máslıhaty barysynda osy turǵyda qandaı jumystar atqarylyp jatqandyǵyn atap ótti.
«Semey Bus» JShS lızıngtik tólemder boıynsha óz mindettemelerin bir jarym jyl boıy oryndamaǵan. Kásiporyn qyzmetkerleri de jalaqylaryn ýaqtyly ala almaı keldi. Qazirgi ýaqytta bul másele boıynsha sot talqylaýy ótip jatyr», - dedi ol.
Qala ákiminiń aıtýynsha, eger «Semey Bus» JShS sot isinde jeńip shyqsa, jumys qaıta jalǵasyp, birinshi kezekte qajetti aqsha bólinetin bolady.
Al isti Ónerkásipti damytý qory jeńse, onda múlikti osy kásiporynǵa berýge týra keledi. Tender jarııalanyp, jeńimpaz bolashaqta jolaýshylar tasymalymen aınalysady. Jeńildik qarastyrylǵan sanattaǵylar úshin jolaqyny tóleý boıynsha mindettemelerdi de oryndaımyz», - dedi Nurymbet Saqtaǵanov.
Esterińizge sala ketsek, osyǵan deıin áleýmettik jelilerde Semeıdegi avtobýs parkindegi qordalanǵan máseleler qyzý talqyǵa túskendigin habarlaǵan bolatynbyz.