Semeı soty temirjol stansasynyń para alǵan qyzmetkerine úkim shyǵardy
ÓSKEMEN. QazAqparat - Semeı soty «QTJ-Júk tasymaly» aktsıonerlik qoǵamynyń para alǵan qyzmetkerine úkim shyǵardy, dep habarlaıdy «QazAqparat» HAA tilshisi.
Semeı qalalyq №2 soty «QTJ-Semeı júk tasymaldaý bólimshesiniń» «Shaǵan» stansasynyń 29 jastaǵy kezekshisi Danııal Nurdildınovti eki jyl bas bostandyǵynan aıyryp, ómir boıy memlekettik qyzmette laýazym ıelený quqyǵynan aıyrý jazasyna kesti.
Ol AQ fılıaly «QTJ-Semeı júk tasymaldaý bólimshesi» basshysynyń birinshi orynbasary azamat I.-ge deldal arqyly 19 mamyr kúni 200 myń teńge para berip, Semeı qalasyndaǵy bos orynǵa jumysqa ornalastyrýyn suraǵan.
Sottalýshy men onyń qorǵaýshysynyń 6 000 000 teńge kólemindegi aıyppul salý jazasyn belgileý týraly dálelderin sot jaramsyz dep tanydy. Óıtkeni sotalýshy jumys istemeıdi ári onyń jabylmaǵan úsh nesıesi bar.
Sottyń baspasóz qyzmetiniń habarlaýynsha, sottalýshy oǵan úkimniń kóshirmesi berilgen kúnnen bastap 15 táýlik ishinde oblystyq sottyń qylmystyq ister jónindegi sot alqasyna shaǵym túsirýine bolady.
