Semeı polıgonynyń jabylýyna 30 jyl: TMD Atqarýshy komıtetinde kórme ashyldy

NUR-SULTAN. QazAqparat - 2021 jyldyń 27–30 tamyz aralyǵynda – Qazaqstannyń Belarýstegi Elshiligi Táýelsiz Memleketter Dostastyǵy Atqarýshy komıtetiniń qoldaýymen Semeı ıadrolyq synaq polıgonynyń jabylýyna 30 jyl tolýyna oraı arnaıy kórme ashyldy.

QR Syrtqy ister mınıstrligi baspasóz qyzmetiniń habarlaýynsha, TMD Atqarýshy komıtetiniń ǵımaratynda kórmeniń ashylý saltanatyna Dostastyqqa qatysýshy-memleketterdiń ókilderi qatysyp, atalǵan is-sharany úlken qyzyǵýshylyqpen qabyldady.

Qatysýshylardyń nazaryna Semeı ıadrolyq polıgonyna qatysty tarıhı fotosýretter men qujattardyń, onyń ishinde QR Tuńǵysh Prezıdenti – Elbasy Nursultan Nazarbaevtyń polıgondy jabý týraly Jarlyǵynyń, kóshirmeleri usynyldy.

Sonymen qatar polıgonnyń jabylý tarıhy men Qazaqstannyń halyqaralyq arenadaǵy ıadrolyq qarýdy taratpaý baǵytyndaǵy kúsh-jigeri jáne jetistikteri týraly sırek beınematerıaldar bar beınerolık kórsetildi.