Semeı polıgonynyń zardaptaryn joıýǵa jalǵyz Qazaqstannyń ǵana emes, búkil álem jurtshylyǵynyń kúsh-jigeri jumyldyrylýy qajet - N. Sabılıanov
STANA. Sáýirdiń 19-y. QazAqparat /Qanat Mámetqazyuly/ - Semeı polıgonynyń zardaptaryn joıýǵa jalǵyz Qazaqstannyń ǵana emes, búkil álem jurtshylyǵynyń kúsh-jigeri jumyldyrylýy qajet.
Búgin QR Parlamenti Májilisinde «Qazaqstan - beıbitshilik eli» taqyrybynda ótken dóńgelek ústel barysynda Májilis depýtaty Nurtaı Sabılıanov osylaı málim etti, dep habarlaıdy QazAqparat.
«Semeı qasireti - bul qazaq eliniń qasireti. Biraq, bul qasirettiń saldaryn joıý jalǵyz qazaq halqynyń ǵana máselesi emes, álemdik deńgeıde sheshýdi qajet etetin jahandyq másele. BUU sekildi álemdik deńgeıdegi bedeldi uıymnyń Bas hatshysy Pan Gı Mýn qazaq topyraǵyna taban tıgize otyryp, Aral óńirine jáne Semeı polıgonyna at basyn tiredi. Sondyqtan da qazirgi kúni Semeı polıgony halyqaralyq qaýymdastyqtyń da nazarynda dep aıtýǵa bolady. Bul rette Semeı polıgonynyń zardaptaryn joıýǵa jalǵyz Qazaqstannyń ǵana emes, búkil álem jurtshylyǵynyń kúsh-jigeri jumyldyrylýy qajet», dedi N. Sabılıanov.
Sonymen birge, depýtat ıadrolyq synaqtardyń apatty zardaby ýaqyt ozǵan saıyn kúsheıe túskenin, urpaqtan-urpaqqa aýysyp, barǵan saıyn qaterli áser berip otyrǵanyn atap ótti. Onyń aıtýynsha, bundaı zardaptardy joıý úshin arnaıy memlekettik baǵdarlamalar arqyly keshendi sharalardy júzege asyrý qajet etiledi.
