Semeı polıgonyndaǵy ıadrolyq synaqtardan zardap shekkender «chernobyldyqtarǵa» teńestirildi - Reseı Federatsııasy
ASTANA. Jeltoqsannyń 25-i. QazAqparat - Reseı Federatsııasynyń Memlekettik Dýmasy Qazaqstan aýmaǵyndaǵy Semeı polıgonynda ıadrolyq synaqtardan zardap shekkenderge tıesili ótemaqy tólemderin arttyrý týraly zań jobasyn maquldady.
Tólemaqynyń kólemi Chernobyl atom-energııa stansysynyń qurbandaryna beriletin járdamaqynyń deńgeıine jetkizilip otyr. Bul týraly zańnamany ázirlegen Altaı ólkesiniń ákimshiliginen málim etti, dep habarlaıdy ITAR-TASS agenttigi.
Qabyldanǵan ózgertýlerge sáıkes, «semeılikterdiń» azyq-túligine beriletin ótemaqynyń kólemi eki esege derlik arttyryldy. 200 rýbldiń ornyna 2010 jyldyń qańtarynan bastap bul soma 394 rýbldi quraıtyn bolady.
Sondaı-aq «semeılikterdiń» 1-2-shi býyndaǵy balalary úshin de ótemaqy ósetin bolady. Oǵan qosa, zań boıynsha barlyq baptar boıynsha ótemaqylardy jyl saıyn ındeksatsııalaý qarastyrylǵan.
Bul bastama búgin Federatsııalar Keńesinde qaralady, maquldanǵan jaǵdaıda, Prezıdentke qol qoıýǵa jóneltiledi.
