Semeı polıgony aýmaǵynyń bir bóligi sharýashylyq aınalymyna berilýi múmkin
«Halyq úshin radıatsııalyq qaýip tóndirmeıtin Semeı ıadrolyq synaq polıgony (SıASP) aýmaǵynyń bir bóligi bosalqy jerler sanatynan shyǵarylyp, sharýashylyq aınalymǵa berilýi múmkin. ıAdrolyq qaýipsizdik aımaǵy SıASP-tyń tarıhı shekaralary sheginde bolady», - dedi Úkimet basshysy.
Premer-Mınıstrdiń atap ótýinshe, Májilis qaraýynda jatqan «Semeı ıadrolyq qaýipsizdik aımaǵy týraly» Qazaqstan Respýblıkasy Zańynyń jobasynda SıASP-tyń tarıhı shekarasynan tys jatqan jekelegen aýmaqtarǵa keshendi ekologııalyq zertteýler júrgizý kózdelgen. Zań jobasy qabyldanǵannan keıin SıASP-tyń keshendi ekologııalyq zertteý materıaldary belgilengen tártippen memlekettik ekologııalyq saraptama júrgizýge jiberiletin bolady. Onyń nátıjeleri boıynsha radıoaktıvti lastanýǵa ushyramaǵan SıASP aýmaǵynyń bir bóligin sharýashylyq aınalymǵa berý múmkindigi aıqyndalady.
«Osyǵan baılanysty is-sharalardyń belgilengen merzimderi osy mindetti júıeli jáne dáıekti sheshý qajettiligine baılanysty anyqtalǵan. Baıandalǵannyń negizinde jer ýchaskelerin sharýashylyq aınalymǵa berýdi joǵaryda atalǵan Zańdy qabyldaǵannan keıin jáne memlekettik saraptamalardyń nátıjeleri boıynsha júzege asyrýdy jón dep paıymdaımyz», - dedi Álıhan Smaıylov.
