Semeı polıtsııasy halyqpen jumys jasaýdyń jańa formatyna kóshe bastady
SEMEI. QazAqparat - Semeı polıtsııasy halyqpen jumys jasaýdyń jańa formatyna kóshedi. Bul týraly qala turǵyndarymen ótken kezdesýde qalalyq polıtsııa basqarmasynyń basshysy Dýlat Qazaqpaev málim etti, dep habarlaıdy QazAqparat qalalyq aqparat ortalyǵyna silteme jasap.
Dýlat Qazaqpaevtyń sózinshe búgingi kúni halyqpen jumys jasaýdyń jańa formaty ázirlenýde. ıAǵnı, polıtsııa qyzmetiniń servıstik modeline kóshý kózdelip otyr. Atalǵan ózgerister qaýipsizdik salasyndaǵy halyqtyń barlyq suraqtaryna, quqyq buzýshylardyń zańsyz áreketterimen betpe-bet kelgenderge sapaly zańgerlik kómek kórsetýge múmkindik bermek.
«Biz polıtsııaǵa degen senim deńgeıin arttyrýymyz kerek. Osy maqsatta polıtsııa qyzmetkerleriniń jumysyn syrtqy kórinisten bastap moraldik aspektilerge deıin qaıta qaraımyz. Eger azamattardyń máseleleri polıtsııa quzyretine kirmeıtin bolsa, onda bizdiń keńesshilerimiz qaıda júginý kerek ekenin aıtyp, mekenjaı, baılanys telefondaryn usynady, sondaı-aq qandaı qujattar qajet ekenin túsindiredi», - dedi qalalyq polıtsııa basqarmasynyń bastyǵy.
Ótken jyldan bastap polıtsııa qyzmetkerleri qylmystyq jáne ákimshilik is júrgizýdiń elektrondyq formatyna kóshe bastady. Kompıýterge engizilgen barlyq málimetter men protsessýaldyq qujattar tergeýdiń ashyqtyǵyn qamtamasyz etedi. Sonymen qatar endi polıtsııa qyzmetkerleri planshettiń kómegimen 3-5 mınýt ishinde elektrondyq formatta ákimshilik quqyqbuzýshylyq týraly hattamany toltyra alady. Buryn bul rásim 15-20 mınýtty alǵan. Qazir azamattyń JSN-in nemese avtomashınanyń memlekettik nómirin elektrondyq nysanǵa engizgen kezde avtomatty túrde júzege asyrylady.Osy tehnologııalardy polıtsııa qyzmetine engizý kezeń-kezeńimen júzege asyrylyp, 2-3sh jylda aıaqtaý josparlanýda.
