Semeı-Óskemen avtojolynda kólik apatynan júrgizýshi men jolaýshy qaza tapty

SEMEI. QazAqparat - Abaı oblysynyń polıtsııa departamenti Semeı-Óskemen jolyndaǵy kólik apatyna qatysty is qozǵady, dep habarlaıdy QazAqparat.

14 qańtar kúni saǵat 13:30 shamasynda Semeı-Óskemen tasjolynyń 111/87 shaqyrymynda jol apaty boldy.

VAZ 21102 jáne Toyota Camry markaly eki avtokólik betpe-bet soqtyǵysty.

Jol-kólik oqıǵasy saldarynan VAZ 21102 avtokóliginiń júrgizýshisi men jolaýshysy alǵan dene jaraqatynan jedel járdem kelgenshe oqıǵa ornynda kóz jumdy.

Sondaı-aq, VAZ 21102 kóliginde kámeletke tolmaǵan úsh jolaýshy bolǵan.

Qazirgi ýaqytta kámeletke tolmaǵan úsh jolaýshy, Toyota Camry kóliginiń júrgizýshisi men eki jolaýshy jaqyn mańdaǵy aýrýhanaǵa jetkizildi.