Semeı ormanyndaǵy órtten kóz jumǵan 14 ormanshyǵa eskertkish taqta ornatylady

Bıyl Abaı oblysyndaǵy alapat órtten kóz jumǵan ormanshylarǵa eskertkish taqta ornatylmaq, dep habarlaıdy QazAqparat tilshisi.

«Semeı ormany» rezervatynyń Borodýlıha aýdanyndaǵy Jańashúlbi fılıalynan shyqqan órt 14 ormanshynyń ómirin jalmaǵan bolatyn.

Tilsiz jaýmen kúresken batyrlardyń qurmetine eskertkish taqta qoıylady. Bul týraly aýdan ákimdiginen málim etti.

«Borodýlıha aýdanyna QR Kásipodaqtar federatsııasynyń tóraǵasy Satybaldy Dáýletalın jumys saparymen keldi. Sapar barysynda ol orman órtinen qaza bolǵan ormanshylardyń qurmetine qoıylatyn eskertkish taqtanyń irgetasyn qoıý rásimin ótkizip, marqumdardyń týystarymen kezdesti. Taqta Ýspenka aýylynda ornatylady», - delingen aqparatta.

Sondaı-aq Satybaldy Dáýletalın «Semeı ormany» memlekettik orman tabıǵı rezervaty basqarmasyna baryp, barlyq on fılıaldyń kásipodaq múshelerimen kezdesken.

Rezervat dırektory Qaırat Hasenov órtten keıin tórt aı ótse de, áli kúnge deıin ýáde etilgen bir de bir órt sóndirý kóligi alynbaǵanyn aıtty.

Eske salaıyq, bıyl 8 maýsym kúni Abaı oblysynyń Semeı ormany rezervatynda iri órt tutandy.

Saldarynan 14 ormanshy qaza bolǵan.