Semeı ormanynda Prezıdenttiń tóraǵalyǵymen jedel shtabtyń otyrysy ótip jatyr

SEMEI. QazAqparat - Tótenshe jaǵdaılar jónindegi jedel shtabtyń otyrysy tabıǵat apaty kezinde qaza tapqan azamattardy bir mınýt únsizdikpen eske alýdan bastaldy, dep habarlaıdy QazAqparat.

«Elimizde taǵy da alapat órt bolyp jatyr. Ókinishke qaraı, tilsiz jaýmen kúres kezinde azamattarymyz qaıtys boldy. 14 adam qyzmettik mindetin atqaryp júrip erlikpen qaza tapty. Men jańa ǵana bul adamdardyń týysqandarymen kezdestim. Óte aýyr áńgime boldy. Jurt jylap otyr. Úkimetke narazylyǵyn aıtyp jatyr. Marqumdardyń otbasylaryna jáne jaqyndaryna qaıǵyra kóńil aıtamyn. Qaıtys bolǵan azamattardy bir mınýt únsizdikpen eske alaıyq», - dedi Prezıdent.

Qasym-Jomart Toqaevtyń aıtýynsha, alda aýqymdy jumys bar. Jalpy, bul salada túıtkilder, sheshilmeı jatqan máseleler az emes.

Qazirgi tańda negizgi mindet – jumysty sapaly júrgizý.