«Semeı ormany» rezervatyndaǵy órttiń taralýy toqtatyldy
NUR-SULTAN. QazAqparat – «Semeı ormany» rezervaty aýmaǵynda órttiń taralýy toqtatyldy. Bul týraly Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Facebook-tegi paraqshasynda jazdy, dep habarlaıdy QazAqparat.
Jalyndy aýyzdyqtaýǵa «Semeı Ormany» rezervatynyń qyzmetshileri, «Qazáýeormanqorǵaý» áýe desanttary, orman kúzeti jáne TJD qyzmetkerleri, jalpy 400 adam men 100-den astam tehnıka jumyldyrǵan.
Tótenshe jaǵdaılar komıtetiniń habarlaýynsha, órttiń qaraǵaıly ormanda taralýy toqtatyldy. Alaıda ormannyń ashyq alqaptaryndaǵy jeke oshaqtardyń janýy jalǵasyp jatyr.
ІІM TJK avıatsııasy órtti tikushaqpen sóndirýge árekettenýde, qazirgi ýaqytta MI-26T tikushaǵy 12 márte jalpy kólemi 100 tonnadan asatyn sý shashsa, ákimdiktiń Mı-8 borty 13 ret 30 tonnadan astam sý shashqan.
Aıta keterligi, orman órti shamamen 2 myń gektar aýmaqty sharpyǵan.
