Semeı ormany men «Kókshetaý» parkinde órt sóndirýge qatysqan avıatorlar marapattaldy

ASTANA. QazAqparat – QR Tótenshe jaǵdaılar mınıstriniń buıryǵymen «Semeı ormany» tabıǵı rezervatynda jáne «Kókshetaý» tabıǵı parkinde órtti sóndirýge qatysqan avıatorlar marapattaldy, dep habarlaıdy QazAqparat mınıstrliktiń baspasóz qyzmetine silteme jasap.

Baspasóz qyzmetiniń málimetterine qaraǵanda, 2023 jyldyń 8-14 maýsymy aralyǵynda Qazaqstan Respýblıkasy Tótenshe jaǵdaılar mınıstri general-maıor Syrym Sháriphanovtyń buıryǵymen Abaı oblysyndaǵy batpaı ormanshylyǵynyń «Semeı ormany» memlekettik orman tabıǵı rezervatynyń aýmaǵynda orman alqabyndaǵy tabıǵı órtti joıý kezinde óz mindetterin adal atqarǵany úshin áýe kemesiniń komandıri Stanıslav ıÝzlıkeev, bortmehanık Igor Pak jáne V2 avıatehnıgi Ashat Ábilov «Totenshe jaǵdaılardyń alda jáne joıýda úzdik shyrqany úshin» medalimen marapattaldy.

QR TJM alǵys hatymen reseılik tikushaqtar ýchaskesiniń ushý bólimshesiniń basshysy Akramjan Itahýnov, júrgizýshi-janarmaı quıý operatory Sergeı Shahtarın, ushý qaýipsizdigi ınspektsııasynyń basshysy Murat Jandorbınov, aǵa ushqysh-nusqaýshy Erbol Abaev, reseılik tikushaqtar ýchaskesiniń ushý bólimshesiniń shtýrmany Asqar Tóleýjanov marapattaldy.

2023 jylǵy 23 maýsymda bolǵan «Kókshetaý» ulttyq tabıǵı parkindegi órtti joıý kezinde kórsetken qyzmettik mindetterin adal oryndaǵany úshin Qazaqstan Respýblıkasy Tótenshe jaǵdaılar mınıstri general-maıor Syrym Sháriphanovtyń buıryǵymen «Tótenshe jaǵdaılardyń aldyn alýda jáne joıýda úzdik shyqqany úshin» medalimen aǵa ushqysh-nusqaýshy Erbol Abaev, ekinshi ushqysh Baýyrjan Shalıkov, bortmehanık Erǵazy Sabdırov, ATJ ınjeneri maqsat Baıakenov jáne Sáken Bekjanov marapattaldy.