«Semeı ormanynyń» 5,1 gektar jeri erekshe qorǵalatyn aýmaq sanatynan shyǵarylmaq

ASTANA. KAZINFORM – «Semeı ormany» memlekettik orman tabıǵı rezervatynyń 5,1 gektar jeri erekshe qorǵalatyn aýmaq sanatynan shyǵarylmaq. Premer-Mınıstrdiń tıisti qaýly jobasy ashyq normatıvtik-quqyqtyq aktiler portalynda jarııalandy.

— Osy qaýlyǵa qosymshaǵa sáıkes Abaı oblysynyń «Semeı ormany» memlekettik orman tabıǵı rezervatynyń (budan ári — rezervat) jalpy alańy 5,1 gektar jeri erekshe qorǵalatyn tabıǵı aýmaqtar jeri sanatynan Qazaqstan Respýblıkasy Ulttyq qaýipsizdik komıtetiniń Shyǵys Qazaqstan oblystyq shekara qyzmeti departamenti Altaı aýdandyq shekara basqarmasynyń «Aýyl» shekara ótkizý pýnktin (avtokólik) salý, jaılastyrý jáne onyń jumys isteýi úshin bosalqy jerleri sanatyna aýystyrylsyn, — qaýly jobasynda.

Qujat 12 jeltoqsanǵa deıin qoǵamdyq talqylaýǵa shyǵarylyp otyr.