Semeı ormanyndaǵy órt: Jalyndy sóndirý úshin 102 tonna sý tógildi
SEMEI. KAZINFORM — Órtti sóndirýge «Qazavıaormanqorǵaý» RMQK-nyń eki tikushaǵy, QR Qorǵanys mınıstrliginiń Mı-8 jáne QR Ulttyq qaýipsizdik komıtetiniń Mı-8 tikushaqtary jumyldyryldy.
2026 jylǵy 16 shildede «Semeı ormany» memlekettik orman tabıǵı rezervatynda orman órtin sóndirý jumystary jalǵasyp jatyr.
Saǵat 16:00–degi jaǵdaı boıynsha órtti sóndirýge rezervattyń memlekettik orman kúzetiniń 120 qyzmetkeri men 48 tehnıkasy, QR Tótenshe jaǵdaılar mınıstrliginiń 158 qyzmetkeri men 22 tehnıkasy, QR Іshki ister mınıstrliginiń 101 qyzmetkeri men 25 tehnıkasy, jergilikti atqarýshy organdardyń 24 qyzmetkeri men 10 tehnıkasy, sondaı-aq QR Densaýlyq saqtaý mınıstrliginiń kúshteri jumyldyryldy.
Órtti sóndirý jumystaryna «Qazavıaormanqorǵaý» RMQK-nyń eki tikushaǵy, QR Qorǵanys mınıstrliginiń Mı-8 jáne QR Ulttyq qaýipsizdik komıtetiniń Mı-8 tikushaqtary qatysyp jatyr.
Áýe tehnıkasy arqyly jalpy 89 ret sý tógý jumystary júrgizilip, órt oshaǵyna 102 tonna sý tógildi. Qosymsha kúsh retinde órt ornyna «Ertis ormany» MOTR-dyń kúshteri, QR TJM bólimsheleri jáne QR Qorǵanys mınıstrliginiń taǵy eki tikushaǵy jumyldyrylyp jatyr.
Qazirgi ýaqytta órtti oqshaýlaý jáne tolyq sóndirý jumystary jalǵasyp jatyr. Jaǵdaı turaqty baqylaýda.
Aıta ketelik Semeı ormanyndaǵy órt 60 gektar aýmaqty sharpydy. Sonymen qatar «Semeı ormany» rezervatynda órt shyqqan soń lagerdegi 200-ge jýyq bala evakýatsııalandy. Sondaı-aq Premer-mınıstrdiń tapsyrmasymen eki mınıstr «Semeı ormanyna» attandy.
