Semeı ormanyndaǵy órt: Órt sóndirýge qosymsha tehnıka tartylyp jatyr
ASTANA. KAZINFORM — «Semeı ormany» memlekettik orman tabıǵı rezervatynda orman órtin sóndirý jumystary jalǵasyp jatyr.
Saǵat 18:00-degi jaǵdaı boıynsha órtti sóndirýge 536 adam, 126 jerústi tehnıkasy jáne 5 tikushaq jumyldyryldy.
Áýe tehnıkasynyń kómegimen jalpy 96 ret sý tógý jumystary júrgizilip, órt oshaǵyna 114 tonna sý tógildi. Qosymsha kúshter men tehnıkalar órt ornyna baǵyttalýda.
Órt qaraǵaıly orman alqabynda tirkelgen, keı jerde tómengi órt joǵary órtke ulasyp jatyr.
Jaǵdaı Premer-mınıstrdiń jeke qadaǵalaýynda. Jaýapty memlekettik organdardyń basshylary saǵat saıyn jedel aqparatty baıandaýda jáne qazirgi ýaqytta órtti oqshaýlaý jáne tolyq sóndirý jumystary jalǵasyp jatyr.
Aıta ketelik Semeı ormanyndaǵy órt 60 gektar aýmaqty sharpydy. Sonymen qatar «Semeı ormany» rezervatynda órt shyqqan soń lagerdegi 200-ge jýyq bala evakýatsııalandy. Premer-mınıstrdiń tapsyrmasymen eki mınıstr «Semeı ormanyna» attandy.
