Semeı ormanyndaǵy órt: órt oshaǵyna 291 tonna sý tógildi
ASTANA. KAZINFORM — Qarańǵy túsýine baılanysty áýe tehnıkasynyń sý tógý jumystary ýaqytsha toqtatyldy.
«Semeı ormany» memlekettik orman tabıǵı rezervatyndaǵy orman órtin sóndirý jumystary jalǵasyp jatyr.
Saǵat 22:00-degi jaǵdaı boıynsha órtti sóndirýge 623 adam, 169 jerústi tehnıkasy jáne 7 tikushaq jumyldyryldy.
Áýe tehnıkasynyń kómegimen 154 ret sý tógý jumystary júrgizilip, órt oshaǵyna 291 tonna sý tógildi. Qarańǵy túsýine baılanysty áýe tehnıkasynyń sý tógý jumystary ýaqytsha toqtatyldy.
Órt ornynda azdaǵan jańbyr jaýdy, sondaı-aq «Qazgıdromet» boljamyna sáıkes túngi ýaqytta jańbyr kútilýde.
Qazirgi ýaqytta órtti oqshaýlaý jáne tolyq sóndirý jumystary jalǵasýda. Jaǵdaı turaqty baqylaýda.
Aıta ketelik Aıta ketelik Semeı ormanyndaǵy órt 60 gektar aýmaqty sharpydy. Sonymen qatar «Semeı ormany» rezervatynda órt shyqqan soń lagerdegi 200-ge jýyq bala evakýatsııalandy. Premer-mınıstrdiń tapsyrmasymen eki mınıstr «Semeı ormanyna» attandy. Sonymen qatar Qorǵanys mınıstrliginiń avıatsııasy Abaı oblysyndaǵy órtti sóndirýge jumyldyryldy. Oqıǵa ornynda jedel shtab jumys istep jatyr.
