Semeı ormanyndaǵy órt: oqıǵa ornynda jedel shtab jumys istep jatyr
ASTANA. KAZINFORM — Qazirgi ýaqytta órtti sóndirýge 600-ge jýyq adam, 160-tan astam jerústi tehnıkasy jáne 7 tikushaq jumyldyryldy
Qazaqstan Respýblıkasy Tótenshe jaǵdaılar mınıstri general-leıtenant Shyńǵys Árinov, Ekologııa jáne tabıǵı resýrstar mınıstri Erlan Nysanbaev Abaı oblysyndaǵy orman órti aýmaǵyna kelip, oblys ákimi Berik Ýálımen birge «Semeı ormany» aýmaǵyndaǵy órttiń eń kúrdeli ýchaskelerin aralady.
Aýmaqty sholý barysynda jedel jaǵdaı men órtti sóndirý jumystarynyń barysyna baǵalaý júrgizildi.
Oqıǵa ornynda jedel shtab jumys istep jatyr. Shyńǵys Árinov órt sóndirý basshysynyń baıandamasyn tyńdap, kúshter men quraldardyń ornalasýyn baǵalady. Sondaı-aq qutqarýshylar tobynyń rezervin qalyptastyrý jáne júrgizilip jatqan is-sharalardyń tıimdiligin arttyrý boıynsha qosymsha tapsyrmalar berdi.
Qazirgi ýaqytta órtti sóndirýge 600-ge jýyq adam, 160-tan astam jerústi tehnıkasy jáne 7 tikushaq jumyldyryldy. Órtti oqshaýlaý jumystary túngi ýaqytta da jalǵasyp jatyr.
Aıta ketelik Aıta ketelik Semeı ormanyndaǵy órt 60 gektar aýmaqty sharpydy. Sonymen qatar «Semeı ormany» rezervatynda órt shyqqan soń lagerdegi 200-ge jýyq bala evakýatsııalandy. Premer-mınıstrdiń tapsyrmasymen eki mınıstr «Semeı ormanyna» attandy. Sonymen qatar Qorǵanys mınıstrliginiń avıatsııasy Abaı oblysyndaǵy órtti sóndirýge jumyldyryldy.
