Semeı ormanyndaǵy órt: belsendi ashyq janý oshaqtary qalmady
ASTANA. KAZINFORM — Qazirgi ýaqytqa deıin jalpy kólemi 864 tonna sý tógildi.
Jedel shtab jaǵdaıdy turaqty baqylaýda ustap otyr. Barlyq jumyldyrylǵan qyzmetterdiń úılesimdi is-qımylynyń nátıjesinde órttiń odan ári taralýyna jáne eldi mekenderge qaýip tónýine jol berilgen joq.
Qazirgi ýaqytta belsendi ashyq janý oshaqtary joq. Órt tolyq sóndirilgenge deıin kúshter men quraldar kúsheıtilgen rejımde jumystaryn jalǵastyryp jatyr.
Qaıta tutanýdyń aldyn alý maqsatynda kúıgen aǵashtar men orman tósenishterin bólshekteý, sondaı-aq topyraqpen kómý jáne sý sebý (prolıvka) jumystary júrgizilýde.
Órttiń taralýyna jáne jańa órt oshaqtarynyń paıda bolýyna jol bermeý úshin órt aýmaǵynyń perımetri boıynsha mıneraldandyrylǵan jolaqtar jasalyp, jer jyrtý (opashka) jumystary júrgizildi. Qazirgi ýaqytqa deıin jalpy kólemi 864 tonna sýdy quraıtyn 376 ret sý tógý jumysy oryndaldy.
Aıta ketelik Aıta ketelik Semeı ormanyndaǵy órt 60 gektar aýmaqty sharpydy. Sonymen qatar «Semeı ormany» rezervatynda órt shyqqan soń lagerdegi 200-ge jýyq bala evakýatsııalandy. Premer-mınıstrdiń tapsyrmasymen eki mınıstr «Semeı ormanyna» attandy. Sonymen qatar Qorǵanys mınıstrliginiń avıatsııasy Abaı oblysyndaǵy órtti sóndirýge jumyldyryldy. Oqıǵa ornynda jedel shtab jumys istep jatyr.
