Semeı ormanynda sırek kezdesetin sileýsin kózge tústi

SEMEI. KAZINFORM — «Semeı ormany» memlekettik tabıǵı rezervatynyń qyzmetkerleri sırek kezdesetin sileýsindi baıqap, beınejazbaǵa túsirip aldy.

Abaı oblysyndaǵy «Semeı ormany» memlekettik orman tabıǵı rezervatynyń Bókebaı fılıalyna qarasty Shadrýha ormanshylyǵynda qyzmetkerler sırek kezdesetin sileýsindi kórgen. 

— Bul kishkentaı, túngi ańshy — tabıǵattyń názik bolmysty jyrtqyshy. Onyń kózge túsýi — rezervattyń baı bıoalýandyǵynyń jáne ekojúıe saýlyǵynyń aıqyn dáleli. Sileýsin tabıǵattyń bıologııalyq ártúrliligin qorǵaıtyn ań. Onyń ańshylyq sheberligi — ekojúıeniń tepe-teńdigin saqtaýdaǵy mańyzdy kúsh, — dep habarlady rezervat mamandary.

Rezervat aýmaǵynda ańshylyqqa qatań tyıym salynǵan. Janýarlardy qorǵaý sharalary tabıǵattyń baılyǵyn saqtap, sırek kezdesetin ańdardyń qaýipsizdigin qamtamasyz etý úshin júrgiziledi. 

Eske salsaq, osyǵan deıin Baıanaýylda qalyń qarǵa ombyqqan bulan beınetaspaǵa túsip qalǵany jaıly jazǵanbyz.