Semeı ormanynda bórene urlaǵan adam ustaldy

SEMEI. KAZINFORM — Semeı ormanynda aǵash jymqyrý faktileri anyqtaldy. 

«Semeı ormany» tabıǵı rezervatynyń aýmaǵynda júrgizilgen reıd barysynda rezervattyń memlekettik ınspektorlary Abaı oblysynyń orman sharýashylyǵy jáne janýarlar dúnıesi aýmaqtyq ınspektsııasynyń qyzmetkerlerimen birlesip, aǵash jymqyrý faktisin anyqtady.

19 qyrkúıekte «Semeı ormany» Semeı fılıalynyń Talıtsa ormanshylyǵynyń aýmaǵynda órtengen aǵashtardy daıyndaý jumysy júrgizilip jatqan jerde ruqsatsyz daıyndalǵan kásiptik aǵashtyń súrekteri tabylyp, jaýapty tulǵa anyqtaldy. 

Osy fakti boıynsha Ákimshilik quqyq buzý týraly kodeksiniń 381-1-babynyń 3-bóligine sáıkes ákimshilik is qozǵaldy.