«Semeı ormany» rezervatynda bir kúnde úsh orman órti tirkeldi
ASTANA. KAZINFORM — 30 maýsymda «Semeı ormany» memlekettik orman tabıǵı rezervaty aýmaǵynda úsh orman órti tirkeldi. Bul týraly Orman sharýashylyǵy jáne janýarlar dúnıesi komıteti málim etti.
— Bıyl tutanǵan órtterdi ormandaǵy órtti erte anyqtaý júıesi (SRO) arqyly der kezinde anyqtap, jedel áreket etý nátıjesinde qysqa merzimde oqshaýlap, tolyq sóndirýge múmkindik aldyq. Órttiń shyǵý sebebi — naızaǵaı razrıady, — delingen habarlamada.
Sońǵy kúnderi rezervat aýmaǵynda naızaǵaıly fronttardyń ótýine baılanysty orman órtteriniń týyndaý qaýpi saqtalyp otyr.
— Órt qaýipti maýsymda tabıǵatta demalý kezinde saqtyq sharalaryn umytpańyz. Ormandy qorǵaý — barshamyzdyń ortaq mindetimiz. Ormandy birge saqtaıyq, — dep eskertti komıtetten.
Eske sala keteıik, Abaı oblysyndaǵy qamys órti tolyqtaı sóndirildi.
