«Semeı ormany» rezervatynda 200 mln teńgeden astam salyq tólenbeı qalǵan
SEMEI. KAZINFORM – Abaı oblysynyń prokýratýrasy «Semeı ormany» orman rezervatynda 200 mln teńge salyqtyń tolyq tólenbegenin anyqtady.
Mamandandyrylǵan tabıǵat qorǵaý prokýratýrasynyń tekserisi nátıjesinde «Semeı ormany» memlekettik orman tabıǵı rezervaty» RMM 2024 jyl boıynsha Salyq kodeksiniń talaptaryn buza otyryp, salyq jónindegi málimetterdi tolyq kólemde jibermegeni belgili boldy.
Salyq kodeksine sáıkes, memlekettik orman ıeleri ár toqsan saıyn tólem jasaýshylar men salyq salý nysandary týraly derekterdi salyq organdaryna usynýǵa mindetti.
Saldarynan bıýdjetke 200 mln teńgeden astam salyq túspeı qalǵan.
Prokýrorlyq qadaǵalaý aktisiniń negizinde salyqtyq bereshek tolyq kólemde óteldi.
Aıta ketelik «Semeı ormany» rezervatyna órtti erte anyqtaý júıesi engiziletini týraly jazǵan edik.