Semeı ormany rezervatynan órt shyqty

SEMEI. KAZINFORM — Semeı ormany rezervatynyń Begenev fılıalynyń Dóngúl ormanshylyǵy aýmaǵynda memlekettik orman qory órtenip ketti. 

Ekologııa jáne tabıǵı resýrstar mınıstrliginiń málimetine sensek, órt keshe 12:06 kezinde baıqalǵan. 

Tehnıka orman órtin sóndirý stansasynan 12:12 shamasynda jolǵa shyqty. 

12:45-te ormanshylar men qutqarýshylar órt sóndirýdi bastady. 

Semeı ormany rezervaty men Abaı oblysy TJD qyzmetkerleri tilsiz jaýmen birlesip kúresti. 

Órttiń jalpy aýdany — 7 gektar. Onyń ishinde ormanmen qamtylǵany — 1,06 ga.

Órt sóndirýge 82 adam jáne 26 tehnıka qatysty. Onyń ishinde MI-2 tikushaǵy da bar. 

Jalyn túnde ǵana aýyzdyqtalyp, sóndirildi.