Semeı ormany órtine kináli sheneýnikter jazalandy ma
Semeı ormany rezervatyndaǵy alapat órtten keıin Memleket basshysy órtke jol bergen jaýapty tulǵalardy jazalaýdy tapsyrdy. Osy oraıda Ekologııa jáne tabıǵı resýrstar mınıstrligi qansha sheneýnikke qandaı jaza qoldanylǵany týraly málimetpen bólisti, dep habarlaıdy Kazinform.
«Qazaqstan Respýblıkasy Premer-Mınıstriniń 2023 jylǵy 14 shildedegi № 109-ókimimen Abaı oblysynda orman órtine tıisti den qoıý jáne ony joıýdy uıymdastyrýdy qamtamasyz etpegeni úshin júktelgen mindetterdi tıisinshe oryndamaǵany úshin Ekologııa jáne tabıǵı resýrstar birinshi vıtse-mınıstri N.K.Shárbıevke «sógis» jarııalandy. Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń tóraǵasy N.N.Qylyshbaevpen eńbek sharty toqtatyldy (2023 jylǵy 14 shildedegi № 238), komıtet tóraǵasynyń orynbasary E.N.Qutpanbaevqa «qatań sógis» jarııalandy (2023 jylǵy 12 qyrkúıektegi №194) jáne Abaı oblysy boıynsha orman sharýashylyǵy jáne janýarlar dúnıesi aýmaqtyq ınspektsııasynyń basshysy M.M.Elemesovke «qatań sógis» tártiptik jaza qoldanyldy (2023 jylǵy 8 qyrkúıektegi № 189)», - degen jaýap aldyq mınıstrlikten resmı saýalǵa.
Sondaı-aq vedomstvo Tótenshe jaǵdaılar mınıstri jáne vıtse-mınıstr laýazymynan bosatylǵanyn málim etti.
Odan bólek, Abaı oblysy Tótenshe jaǵdaılar departamentinen 5 laýazymdy tulǵa tártiptik jaýapkershilikke tartylǵan.
