Semeı óńirinde bir kúnde 18 turǵynnan teri ragy anyqtaldy
SEMEI. QazAqparat - Semeı óńiriniń turǵyndary teriniń qaterli isigine tegin tekserildi. Nátıjesinde tek bir kúnniń ishinde 18 turǵynnan melanoma jáne teri qaterli isigi anyqtaldy, dep habarlaıdy QazAqparat.
Semeı ıAdrolyq medıtsına jáne onkologııa ortalyǵy men óńirdiń barlyq emhanalarynda ashyq esik kúni ótti. Qabyldaý óńirdiń 13 medıtsınalyq mekemesinde júrgizildi. Al Semeı qalasynda alty emhanada uıymdastyryldy. Nátıjesinde 732 turǵyn onkolog mamandarǵa qaralyp, tegin keńes aldy.
Bir kúnde tekserilýge kelgen turǵyndardyń 18-inen melanoma jáne teri qaterli isigi anyqtaldy. 114 adamnan isik aldy aýrýlarynyń belgileri men 251 basqa aýrý túrleri tirkeldi. Qosymsha tekserýden ótken naýqastar emdelýge jiberildi.
«Jalpy, 2019 jyldyń 4 aıynyń qorytyndysy boıynsha Semeı óńirinde sút bezi qaterli isiginen keıin teri qaterli isigi ekinshi oryndy tur. Jyl basynan beri 60 turǵynǵa osy dıagnoz qoıyldy. Mamandar aýrýdy erte kezeńde anyqtaý úshin turǵyndardy der kezinde tekserilýge kelýge keńes beredi»,-delingen Semeı ıAdrolyq medıtsına jáne onkologııa ortalyǵy taratqan aqparatta.
Aıta keteıik, jyl saıyn Semeıdegi ıAdrolyq medıtsına jáne onkologııa ortalyǵynda obyr dertine shaldyqqan shamamen 5 myń adam emdeledi. Taǵy 42 000 naýqasqa konsýltatıvtik kómek beriledi.
