Semeı óńirin damytýǵa sońǵy jyldary 354 mlrd teńge ınvestıtsııa tartylǵan

ÓSKEMEN. QazAqparat – Óskemende ótken oblystyq máslıhattyń kezekten tys XIV sessııasynda ShQO ákimi Danıal Ahmetov jańadan qurylatyn Abaı óńirine qatysty óz pikirin bildirdi, dep habarlaıdy QazAqparat tilshisi.

«Semeı óńirine sońǵy birneshe jylda 354 mlrd teńge shamasynda ınvestıtsııa tartylǵan. Turǵyn úı qurylysy, ınjenerlik-kommýnaldyq jáne jol ınfraqurylymy, bilim berý jáne densaýlyq saqtaý salalarynda birqatar iri jobalar iske asyryldy. Eldegi alǵashqy Radıonýklıdtik terapııa bólimshesi bar ıAdrolyq medıtsına ortalyǵy iske qosylyp, Qaraǵaıly jańa shaǵyn aýdany, kópbeıindi sporttyq-mádenı keshen salyndy», - dedi aımaq basshysy.

Óz sózinde ol Shyǵys Qazaqstan oblysynyń jáne jańadan ashylatyn Abaı óńiriniń órkendeýine qomaqty úles qosqan ár janǵa alǵys bildirdi.

«Alashtyń rýhanı ordasy Semeıdi damytýdyń keshendi josparyn júzege asyrýǵa 260 mlrd teńge qarastyrylǵan. Aldaǵy tórt jylda birqatar iri jáne mańyzdy jobalardyń smetalyq qujattamasy ázirlendi. Búginde jańa oblystyń myqty qarjylyq negizin ónerkásiptik alyptar – Aqtoǵaı ken-baıytý kombınaty, Baqyrshyq taý-ken óndirý kásiporyndary jáne orta bıznes nysandary júrgizbek», - dedi Danıal Ahmetov.