Semeı muraǵatshylary Ázilhan Nurshaıyqovtyń maıdannan jazǵan hatyn tapty
SEMEI. Naýryzdyń 10-y. QazAqparat /Lına Slavına/ - Semeıdiń Jańa tarıhty qujattandyrý ortalyǵynyń qyzmetkerleri Ázilhan Nurshaıyqovtyń osydan 60 jyldaı buryn maıdannan jazylǵan biregeı hatyn tapty.
Muraǵattan habarlaǵandaı, óleńmen jazylǵan hat «Maıdannan jazylǵan hattar» qujattar toptamasynan tabylyp otyr. «Biregeı jáne qundy hatty bizdiń jerlesimiz, jazýshy, soǵys ardageri Ázilhan Nurshaıyqov 1944 jyly Belarýs maıdanynda shaıqasyp júrgen jyldary Jarma aýdandyq gazetindegi áriptesterine joldaǵan. Óleńmen jazylǵan hatyn ol «Biz Berlınge baramyz!» dep ataǵan», - deıdi Ortalyqtyń bólim meńgerýshisi Talıǵa Túsimbaeva.
Aýdandyq gazet qyzmetkerleri saqtaýǵa tapsyrǵan bul qundy mura keńes dáýiriniń tusynda uzaq jyldar boıy Jarma aýdandyq muraǵatynda saqtalyp kelgen, keıinnen ol Semeıdiń Jańa tarıhty qujattandyrý ortalyǵyna kelip túsken.
Bul hatty muraǵat qyzmetkerlerinen basqa ázirge eshkim kórgen joq. «Hat qara qaryndashpen jazylǵan. Biz onyń kóshirmesin jasap, ony jazýshynyń ózine tabys etkimiz keledi», deıdi muraǵatshylar.
