Semeı men Rıdderde esirtkiniń iri partııalary tárkilendi
ÓSKEMEN. QazAqparat - Semeı qalasynyń polıtsııasy jedel-izdestirý sharalary barysynda sıntetıkalyq esirtki zaty - geroındi saqtaǵan úsh adamdy ustady.
Sátti ótkizilgen operatsııa nátıjesinde, polıtsııa esirtkiniń iri partııasy - 265 gramm geroındi zańsyz aınalymnan alyndy.
Qazir kúdiktiler - 47 jáne 45 jastaǵy er adamdar men 55 jastaǵy áıel ýaqytsha ustaý ızolıatoryna qamaldy jáne qylmystyq jaýapkershilikke tartyldy. Olardyń úsheýi de Semeı qalasynda turady. Qazir tergeý amaldary júrgizilýde.
Rıdder qalasynda da esirtkiniń asa iri partııasy zańsyz aınalymnan shyǵaryldy. 24 jastaǵy jergilikti turǵynnyń páterinen salmaǵy 6 keli bolatyn 3 paket marıhýana tabylǵan.
Asa iri kólemdegi esirtkini zańsyz saqtaǵany úshin jas jigit qylmystyq jaýapkershilikke tartyldy. Tergeý júrgizilip jatyr.
