Semeı men Óskemennen Alakólge 2 myń teńgemen jetý múmkin bolady
ÓSKEMEN. QazAqparat - Shyǵys Qazaqstan oblysynyń ákimi Danıal Ahmetov jurt aldynda esep berip jatyr, dep habarlaıdy QazAqparat tilshisi.
Bir jyl ishinde atqarylǵan jumystardy qorytyndylaǵan oblys ákimi bıyl týrızmdi damytýǵa basa kóńil bólinetinin atady. Ásirese Alakóldiń ınfraqurylymyn damytýǵa 2 mlrd teńgege jýyq qarjy bólinbek.
«Óskemen men Semeıden Jalańashkólge deıin temirjol qatynasy iske qosylady. Bılet baǵasy bar bolǵany 2 myń teńge ǵana. Osynyń arqasynda myńdaǵan jerlesterimiz Alakólden saıa tabady» - dedi Danıal Ahmetov.
Bıyl Alakóldiń jaǵalaýyn abattandyrýǵa taǵy 817 mln teńge bólinbek. Ákimniń aıtýynsha, Alkóldi ózge eldi mekendermen jalǵap jatqan joldardy jóndeý jumystary úlken qarqyn alýy tıis.
«Bul baǵyttaǵy joldardy jóndeýge ǵana 700 mln teńge jumsalady. Byltyr Alakóldiń kelbeti birshama ózgerdi. Bıyl ony múlde tanymaı qalýlaryńyz múmkin. Alakóldiń kelbeti múlde ózgeredi» - dedi ol.
