Semeı men Óskemen JEO-laryn óz kúshimizben salýymyz múmkin – Erlan Aqkenjenov
ASTANA. KAZINFORM — Semeı men Óskemen jylý elektr ortalyqtaryn óz kúshimizben salýymyz múmkin. Bul týraly búgin Energetıka mınıstri Erlan Aqkenjenov aıtty.
BAQ ókilderine arnalǵan brıfıng barysynda mınıstr Kókshetaý qalasyndaǵy jyl elektr ortalyǵynyń qurylys jumystary bastalǵanyn, jobany «Samuryq Energo» kompanııasy iske asyryp jatqanyn aıtty.
- Qalǵan eki jylý elektr ortalyǵyna keler bolsaq, qazirgi ýaqytta Reseı Federatsııasy tarapynan jeńildikpen qarjylandyrýǵa qatysty jaýabyn alǵan joqpyz. Qazaqstan tarapy bul máseleni yńǵaıly sátte kóteretin bolady. Ázirshe Reseı tarapynan jǵeńildikti memleketaralyq kredıtke qatysty jaýap bolmaı tur. Eger jaǵdaı osylaı qala beretin bolsa, onda Qazaqstanǵa atalǵan jobalardy óz kúshimen iske asyrýǵa týra keledi, - dedi Erlan Aqkenjenov.
Taıaýda «Samuryq-Energo» AQ basqarma tóraǵasy Qaırat Maqsutov Úkimet otyrysynan keıin ótken baspasóz máslıhatynda Óskemen men Semeıdegi jańa jylý-elektr ortalyqtaryn Reseı salýy múmkin ekenin aıtqan edi.