Semeı men Óskemen JEO-laryn kim salady
ASTANA. KAZINFORM — Semeı men Óskemen jylý elektr ortalyqtaryn salýǵa halyqaralyq kompanııalar qatysa alady. Bul týraly «Samuryq-Energo» AQ basqarma tóraǵasy Qaırat Maqsutov aıtty.
— Kókshetaý jylý elektr ortalyǵynyń qurylysy boıynsha kelisimshartqa qol qoıyldy. Bul aqparat bolǵan. Qytaılyq jabdyq bolady. Qurylysty Qazaqstan-Qytaı konsortsıýmy júzege asyrady. Semeı JEO men Óskemen JEO-syna keler bolsaq, «Qazaqstan derbes salady» dep aıtqan kezimizde sóz «Samuryq-Energonyń» qurylysqa tapsyrys berýshi bolatyndyǵy jaıynda bolyp tur. Qazaqstan taraby qarjylandyratyndyǵy jaıynda. Áleýetti merdigerlerge keler bolsaq, bul rette jeke jumys istelinip jatyr. Bul jobaǵa qatysýǵa «Inter RAO», sondaı-aq qytaılyq kompanııalardy qosa alǵanda ózge de halyqaralyq merdigerler nıet bildire alady, — dedi Qaırat Maqsutov.
Aıta keteıik, ótken jyldyń 10 qyrkúıeginde Kókshetaý jylý elektr ortalyǵynyń qurylysy bastaldy.