Semeı memlekettik medıtsınalyq ıstıtýtyna jańa rektor taǵaıyndaldy
Ersin Júnisov budan buryn osy joǵary oqý ornynda strategııalyq seriktestik jáne halyqaralyq yntymaqtastyq jónindegi prorektor bolǵan. Jańa rektor - medıtsına ǵylymdarynyń doktory, «Qoǵamdyq densaýlyq saqtaý/áleýmettik gıgıena jáne densaýlyq saqtaýdy uıymdastyrý», sondaı-aq «Travmatologııa jáne ortopedııa» mamandyqtary boıynsha joǵary bilikti dáriger.
1997 jyly Semeı memlekettik medıtsına akademııasynyń emdeý fakýltetin úzdik dıplommen bitirgen. 2013 jyly Qazaq gýmanıtarlyq - zań ınnovatsııalyq ýnıversıtetin ekonomıka mamandyǵy boıynsha bitirgen. Negizgi shet elde biliktiligin arttyrýy (2010, 2011, 2012, 2014 jj) Saint-Louis University (AQSh. Mıssýrı shtaty) «Health management general director selected as a honorable member» boıynsha ótken.
1997-2000 j.j. Semeı memlekettik medıtsına akademııasynyń travmatologııa, ortopedııa jáne ÁDH kafedrasynyń aspıranty;
2000-2001 jj. QR QK qatarynda qyzmette;
2002-2003 jj. Qazaq memlekettik medıtsına akademııasynyń travmatologııa, ortopedııa jáne ÁDH kafedrasynyń oqý isi meńgerýshisi;
2003-2006 jj. Qazaq memlekettik medıtsına akademııasynyń emdeý fakýlteti dekanynyń orynbasary;
2006 -2009 jj. Travmatologııa jáne ortopedııa ǵylymı -zertteý ınstıtýtynyń bólim bastyǵy;
2009-2014 jj. «Respýblıkalyq jedel medıtsınalyq kómek ǵylymı ortalyǵy» AQ-da kóptegen jaraqattar bólimshesiniń meńgerýshisi, hırýrgııa bóliminiń, ortopedııalyq hırýrgııa jáne koagýlopatııa bóliminiń basshysy, ınnovatsııa jáne ǵylym jónindegi dırektory;
2014-2016 jyldyń sáýirine deıin Astana qalasy ákimdigi ShJQ RMK «№1 qalalyq aýrýhana» bas dárigeriniń ınnovatsııalyq qyzmet jónindegi orynbasary;
2016 jyldyń sáýirinen 2016 jyldyń qazanyna deıin ShJQ RMK «Semeı q. memlekettik medıtsına ýnıversıteti» strategııalyq áriptestik jáne halyqaralyq yntymaqtastyq jónindegi prorektory;
2016 jyldyń qazanynan 2017 jyldyń mamyr aıyna deıin Astana qalasy ákimdigi ShJQ RMK «№1 qalalyq aýrýhana» kóptegen jaraqattar jáne qalpyna keltirý ortohırýrgııa ortalyǵynyń basshysy;
2017 jyldyń mamyrynan qazirgi ýaqytqa deıin Semeı qalasynyń memlekettik medıtsına ýnıversıtetiniń strategııalyq áriptestik jáne halyqaralyq yntymaqtastyq jónindegi prorektory, rektordyń mindetin atqarady.
Qazaqstan Respýblıkasynda jeke ózimen 80 asa densaýlyq saqtaý salasyda ınnovatsııalyq tehnologııalardy jáne aýrýhanalyq menedjmentte zamanaýı kontseptsııalardy uıymdastyrýdy engizdi, birneshe ret sheteldik jetekshi ǵalymdarmen jáne uıymdastyrýshylarymen sheberlik sabaqtary, tálimgerlikter uıymdastyrdy.
Ónertabystyqqa 22 patent aldy, 1 QR ınnovatsııalyq patenti, 8 ádistemelik nusqaýlyqtar, 170 astam ǵylymı maqala, aldyńǵy qatarly maqalalary Japonııada, AQSh-ta, Reseıde, Ýkraınada jarııalanǵan.
Emdeý jáne joǵary mamandandyrylǵan medıtsınalyq kómekti uıymdastyrý máseleleri boıynsha alys jáne jaqyn shetelderde halyqaralyq konferentsııalarǵa únemi qatysady jáne baıandamalar jasaıdy.
E.T. Júnisovtiń jetekshiligimen 1 ǵylym doktory jáne 2 ǵylym kandıdatyq dıssertatsııa qorǵaýǵa daıyndalǵan. QR BǴM jáne DSM granty boıynsha 2 ǵylymı -tehnıkalyq baǵdarlamalardy oryndaýshy.
Kóp jylǵy jemisti eńbegi úshin Qazaqstan Respýblıkasynyń Prezıdenti N.Á. Nazarbaevtyń Alǵys hatymen, «Nur Otan» partııasynyń Alǵys hatymen, «Qazaqstan Respýblıkasynyń densaýlyq saqtaý úzdigi» jáne «Densaýlyq saqtaý isine qosqan úlesi úshin» tósbelgilerimen, Ulttyq medıtsınalyq holdınginiń «Úzdik dáriger zertteýshi» Qurmet gramotasymen, «Ortopedııa jáne travmatologııa salasynda dıagnostıka men emdeýde ınnovatsııalyq tehnologııalar» engizgen júıeleri úshin «Álemmen tanylǵan Qazaqstan» nomınatsııasynda «Jyl patrıoty» Qurmet gramotasymen (2013) marapattalǵan.
