Semeı memlekettik akademııalyq teatry Astanaǵa gastroldik saparmen keledi
ASTANA. 5 sáýir. QazAqparat - Astanaǵa 18-20 sáýir kúnderi F. M. Dostoevskıı atyndaǵy Semeı memlekettik akademııalyq teatry gastroldik saparmen keledi.
Teatrdan astana.kz saıtyna habarlaǵanyndaı, semeılikter elordada túrli jastaǵy kórermenderge arnalǵan qoıylymdardy qoıady. Atap aıtqanda, kishkentaı mektep oqýshylary «Syıqyrly torsyldaq», poetıkalyq spektakl «Otyrardyń kúıreý», jáne «On úshinshi juldyzdy» tamashalaıdy.
18 sáýirde L.Gýmılev atyndaǵy Eýrazııa ýnıversıtetiniń stýdentterine «Otyrardyń kúıreýi» qoıylymy usynylady. Sondaı-aq trýppa M.Gorkıı atyndaǵy orys drama teatry sahnasyna 19-20 sáýirde shyǵady.
Eske sala ketsek, F. M. Dostoevskıı atyndaǵy teatr ujymy buǵan deıin QR Táýelsizdiginiń 20 jyldyǵyna baılanysty Shyǵys Qazaqstan oblysynyń Astana qalasyndaǵy kúnderinde kelgen bolatyn.
Semeıdegi orys drama teatry 1937 jyly resmı túrde ashyldy. 1975 jyly oǵan F. M. Dostoevskııdiń esimi berildi. Búgingi kúni teatrdyń gastroldik sapary óte keń. Atap aıtqanda: Volgograd, Vladımır, Kıshınev, Barnaýyl, Novokýznetsk, Bıısk, Almaty, Qaraǵandy, Pavlodar, Astana, Shymkent. Barlyq barǵan jerlerinde teatr ártisteri kórermenderdiń qurmetine bólenip júr.
