Semeı mektepterinde sońǵy úsh jylda 33 ınklıýzıvti synyp ashyldy
Qalalyq Bilim bólimi basshysynyń orynbasary Birjan Bulabaevtyń aıtýynsha, mektepterdegi erekshe qajettilikteri bar balalarǵa arnalǵan ınklıýzıvti synyptar sany jyl saıyn artyp keledi.
«Sońǵy úsh jylda osyndaı 33 synyp ashylǵan. Budan bólek, №4, 20, jáne 42 mektepter janynda aýtızm spektri bar repetıtor qoldaý kórsetetin synyptar jumys isteıdi. №4 jáne 20 mektepterde psıhıkalyq damýy tejelgen balalarǵa arnalǵan resýrstyq ortalyqtar ashyldy», - dedi ol.
Sondaı-aq birqatar bilim ordasynda psıhologııalyq-pedagogıkalyq túzetý kabıneti jumys istep tur. 16 balabaqshada ınklıýzıvti tárbıe men oqytýdyń 24 toby qurylǵan.
Aıta ketý kerek, terrorızmge qarsy qaýipsizdikti qamtamasyz etý maqsatynda barlyq mektepter men balabaqshalarda «dabyl túımesi» ornatyldy.