Semeı mektepterinde qatty jel saldarynan sabaq toqtatyldy
ÓSKEMEN. QazAqparat - Oblystyq Bilim basqarmasynyń aqparatynsha, búgin Semeıde ekinshi aýysymda oqyp júrgen 1-9 cynyp oqýshylary úshin sabaq toqtatyldy, dep habarlaıdy QazAqparat tilshisi.
Oblystyq TJ departamentiniń saıtynda Semeıde mektepterdiń ekinshi aýysymda oqıtyn oqýshylary úshin sabaq toqtatylǵany týraly habarlandy. Qalada 20 m/sek jyldamdyqpen qatty jel soǵyp tur. Sondaı-aq qazir Óskemende de jel kúsheıip keledi. Sınoptıkter ońtústik-batystan soǵatyn jel ekpini 22 m/sek deıin jetetini týraly eskertti.
«Qazgıdromet» RMK aqparatynsha, 14 qazan kúni Shyǵys Qazaqstan oblysynda jaýyn-shashyn túsip, taýly aýdandarda qar aralas jańbyr jaýýy yqtımal. Ońtústik-batystan 15-20 m/sek jyldamdyqpen soǵatyn jel soltústik-batys baǵytqa qaraı aýysyp, jel ekpini 23-28 m/sek deıin jetedi.
