Semeı mektepterinde 5 myń oryn tapshylyǵy bar

SEMEI. QazAqparat – Semeı qalasynda mekteptegi oryn tapshylyǵy máselesin sheshý úshin 2025 jylǵa deıin birneshe bilim ordasy boı kótermek, dep habarlaıdy QazAqparat tilshisi.

Bul týraly búgin Aqparat ortalyǵynda ótken baspasóz konferentsııasy barysynda qalalyq Bilim bóliminiń basshysy Natalııa Fesenko málimdedi.

«Qazirgi ýaqytta 2 jańa mekteptiń qurylysy júrgizilýde. Bul Vostochnyı kentindegi 1200 jáne Stepnoı kentindegi 300 oryndyq bilim ordalary. Sondaı-aq 2025 jylǵa deıin taǵy 3 mektep salý josparlanyp otyr. Osylaısha, mekteptegi oryn tapshylyǵy máselesi tolyqtaı sheshimin tappaq. Budan bólek, jańa 200 jumys orny ashylady. Búgingi tańda shahardaǵy 5001 oqýshyǵa oryn jetispeıdi», - dedi ol.

Natalııa Fesenkonyń aıtýynsha, Semeıdegi 49 bilim ordasy jan basyna qarjylandyrý júıesine kóshken. «Oqıtyn mektep» jobasy aıasynda 43 mekteptiń kitaphanasy jańartyldy.