Semeı mektepterinde 2025 jylǵa deıin 800 sport sektsııasy ashylady
SEMEI. QazAqparat – Semeı qalasyndaǵy mektepterde 2025 jylǵa deıin 800 sport sektsııasy ashylmaq, dep habarlaıdy QazAqparat tilshisi.
Bul jaıly halyq aldynda esep bergen qala ákimi Baqytjan Baıahmetov málimdedi.
«Memlekettiń negizgi baǵyttarynyń biri – buqaralyq sportty damytý. Qalamyzda turǵyndardyń sportpen aınalysýy úshin tıisti jaǵdaılar jasalǵan. Búgingi kúni Semeı boıynsha 392 jabyq sport ǵımaraty jumys istep tur», - dedi ol.
Baqytjan Baıahmetovtyń aıtýynsha, ıÝnost kentinde jeke kásipkerlerdiń qarajaty esebinen basseıni bar saýyqtyrý-oıyn-saýyq kesheni salyndy. Bıyl Qaınar aýylynda quny 397,4 mln teńge bolatyn 80 oryndyq dene shynyqtyrý-saýyqtyrý kesheniniń qurylysy júrgizilip jatyr.
«Shúlbi kentinde osyndaı taǵy bir keshenniń qurylysy bastaldy. Buqaralyq jáne balalar sportyn damytý úshin 2025 jylǵa deıin mektepterde kezeń-kezeńimen qosymsha 800 sport sektsııasyn ashý josparlanyp otyr. Sondaı-aq aldaǵy ýaqytta ústel tennısi ortalyǵynyń qurylysy kózdelýde. Osy jyly smetalyq qujattama ázirlenedi dep kútilýde», - dedi ákim.
