Semeı mektepteri onlaın oqytýǵa daıyndalýda
SEMEI. QazAqparat – Semeı qalasyndaǵy mektepter onlaın oqytýǵa daıyndyq ústinde, dep habarlaıdy QazAqparat.
«46 myń bala, muǵalimder men ata-analar onlaın oqytý formatyna kóshýge daıyndalýda. Ata-analarmen ınternet máselesi sheshilip jatyr. Oqýshylardyń úıinde kompıýterlik tehnıkanyń bar-joqtyǵy, ınternetke qoljetimdilik syndy suraqtar qarastyrylýda. Muǵalimder oqý materıaldaryn ázirleýde», - deıdi qalalyq bilim bóliminiń basshysy Natalııa Fesenko.
Qazirgi ýaqytta mektepterde qashyqtan oqytýǵa kóshý úshin barlyq qajetti qural-jabdyqtar daıyndalýda. Sabaq kesteleri de qurastyrylyp jatyr.
«Qala mektepteri onlaın bilim berýge kóshýge ázir. Biraq qashyqtan oqytý mektepter úshin jańa qubylys. Dese de, týyndaǵan barlyq máseleler tez arada sheshimin tabady degen úmittemiz», - deıdi jaýapty tulǵa.
