Semeı mańynda kóligi jolda turyp qalǵan 5 adam qutqaryldy
Salonda 5 adam otyrǵan. Apattar medıtsınasy ortalyǵynyń dárigerler brıgadasy kóliktiń esigin ashyp, aınalasyn qardan tazartyp, 5 jolaýshyny evakýatsııalady, dep habarlaıdy QazAqparat Shyǵys qazaqstan oblystyq Tótenshe jaǵdaılar departamentiniń baspasóz qyzmetine silteme jasap.
Alǵashqy medıtsınalyq kómek kórsetip, jaraqatynyń bar-joǵyn teksergennen keıin jolaýshylar jergilikti meshitke ornalastyrylyp, olarǵa kórpe jáne ystyq shaı berdi.
ShQO TJD qutqarýshylary aýa raıyna baılanysty eskertý týraly aldyn ala habardar etti.
«ShQO TJD qaýipsizdik erejelerin saqtaý qajettigin eske salady. Aýa raıyna baılanysty eskertý kezinde táýekelge baryp, eldi mekenderden tys jerlerge shyqpańyz. Aýa-raıy týraly aqparatty «Dármen» mobıldi qosymshasynan alýǵa bolady. Tótenshe jaǵdaı kezinde 112 nómiri boıynsha habarlaý qajet»,-delingen ShQO Tótenshe jaǵdaılar departamentiniń baspasóz qyzmeti taratqan aqparatta.
Foto: gov.kz