Semeı mańyn sý basýy múmkin: Jedel shtab quryldy
SEMEI. QazAqparat – Ertis ózeniniń sý deńeıi kóterilip keledi. Bul jaıynda QR ІІM Tótenshe jaǵdaılar komıtetinen málim etti, dep habarlaıdy QazAqparat.
Vedomstvo málimetinshe, Ertis ózeniniń betinde muzdyq tutasyp qatý protsesi baıqalady. Al aýa raıynyń jyly bolýyna baılanysty Semeı qalasynyń mańynda seń turyp, ózendegi sý deńgeıi kóterilip keledi. Sý deńgeıi budan ary kóterile beretin bolsa Vostochnyı, Mırnyı jáne Polkovnık araly eldi mekenderi aýmaǵyndaǵy turǵyn úılerdi sý basý qaýpi bar.
«Halyqty qorǵaý sharalaryn jedel qabyldaý maqsatynda Semeı qalalyq TJB «ІІM TJK Qazseldenqorǵaý» memlekettik mekemesiniń ókilderimen birge ózen jaǵalaýyna turaqty monıtorıng júrgip, táýlik boıy baqylaý beketterin ornatty. Semeı qalalyq poltsııa basqarmasynyń jeke quramy aýdandardy sholǵyndap júr. Buǵan qosa, qyzmetkerler halyqqa sý basý qaýpi bar ekendigi týraly eskertip, sý tasyǵan jaǵdaıdaǵy bastapqy áreketter jaıynda nusqaýlyq júrgizýde. Azamattyq qorǵanys kúshteri men quraldarynyń is-áreketin úılestirý úshin ShQO Tótenshe jaǵdaılar departamentinde jedel shtab quryldy», - dep atap ótedi komıtetten.
Buǵan deıin Semeı qalasynyń ákimi Ermak Sálimovtiń Ertis ózeninde sý deńgeıi kóterilýine baılanysty túsinik bergenin habarlaǵan edik.
