Semeı-Kýrchatov tasjolynyń 100 shaqyrymnan astamyn sý shaıyp ketti
ÓSKEMEN. QazAqparat - Semeı-Kýrchatov tasjolynyń 4-130 shaqyrym aralyǵy apatty jaǵdaıǵa baılanysty jabyldy, dep habarlady TJD aqparatyna silteme jasap «QazAqparat» HAA tilshisi.
Resmı aqparatqa sáıkes, avtojol bóligi tıýbıng qubyrdyń buzylýynan jáne jol tóseminiń shaıylyp ketýinen jabyldy.
Budan buryn habarlanǵandaı, óńirde sý tasqyny jaǵdaıy áli de baqylanýda. Oblys ákimdiginde ótken májiliste TJD basshysy Nurlan Madııarov atap ótkendeı, osy kúnderi Ertis betinde keptelip turǵan muzdyń negizgi bóligi ózen aǵysymen ShQO aýmaǵynan shyqqan. Zyrıanov aýdanynda Hamır ózeninde jaǵany nyǵaıtý jumysy júrgizildi. Mamandar turǵyndar arasynda túsindirý jumystaryn ótkizýde. Sý qoımalarynda sý jiberý kestesi men kólemi bekitildi.
