Semeı kóshesin sileýsin kezip júr
SEMEI. QazAqparat – Semeı qalasynyń kóshelerin kezip júrgen sileýsin vıdeoǵa túsip qaldy, dep habarlaıdy QazAqparat tilshisi.
Jýyqta áleýmettik jelilerge qalaǵa qarasty aýdandardyń birin kezip júrgen sileýsinniń vıdeosy tarap ketken edi. Zoolog Vıktor Hromov bul aqparatty rastap, túz taǵysynyń qalaǵa kirip ketkenin kórgenin, osyǵan qatysty birneshe adamnyń habarlasqanyn aıtyp berdi.
«Vıdeony kórdim. Dene turqyna qarap, ańnyń jas ekenin ańǵarýǵa bolady. Bul kádimgi sileýsin. Aımaǵymyzda keńinen kezdesedi. Orman mysyǵynyń bul túri qaraǵaıly ormanda meken etedi», - deıdi Vıktor Hromorov.
Zoolog sileýsinniń bireýdiń qolynda asyraýda bolǵanyn boljap otyr. Onyń aıtýynsha, túz taǵysyn bireýler ormannan ustap alyp, asyraǵan. Keıin ol qashyp ketken.
«Jas sileýsin shoshyp qalǵan. Tezirek bir jerde boı tasalaǵysy kelgeni baıqalady», - deıdi zoolog.
Aıta ketsek, Óskemen kóshesinde jabaıy elik júrgen vıdeo taraǵan edi.
