Semeı kóshelerinen 1500 tekshe metrden astam sý soryldy

SEMEI. KAZINFORM – Semeı qalasy kóshelerinen 1500 tekshe metrden astam sý soryldy.

Oblystyq Tótenshe jaǵdaılar departamenti baspasóz qyzmetiniń málimetine súıensek, jergilikti atqarýshy organdar Şors, Kırpıchnyı, 3-shi Lodochnaıa kóshelerinde, Vostochnyı jáne Podgornaıa kentterinde sý sorý jumystaryn júrgizdi. «Teplokomenergo» kompanııasymen birlesip, ınertti materıaldar tóseldi.

«Departament qyzmetkerleri Krasın, Sadovaıa jáne Menjınskıı kóshelerindegi aýlalardan sý sordy. Aryq júıesin tazartý úshin TJM 68303 áskerı bóliminiń kúshteri men quraldary tartyldy. Qazirgi ýaqytta qala kóshelerinen barlyǵy 1500 tekshe metrden astam sý soryldy», - delingen aqparatta.

Jumystarǵa barlyǵy 60-tan astam adam jáne 20-dan astam tehnıka jumyldyrylǵan. Jergilikti atqarýshy organ mamandary men qutqarýshylar qala kóshelerindegi ahýalǵa turaqty túrde monıtorıng júrgizip jatyr.