Semeı kóshelerinde sý sorý jumystary úzdiksiz jalǵasýda

SEMEI. KAZINFORM – Semeı qalasyndaǵy kóshelerde erigen qar sýyn sorý jumystary úzdiksiz jalǵasyp jatyr.

Qala ákimdiginiń málimetine súıensek, qazirgi ýaqytta úılerge sý kirgen joq. Sý tasqyny jaǵdaıy qatań baqylaýda. 

«Erigen qar sýyn sorý jumystary táýlik boıy toqtaýsyz júrgizilýde. Osy sátte 10 vakýýmdyq assenızator mashınalary tartylǵan. Sondaı-aq káriz qudyqtaryn tazartýǵa ılosos mashınasy jáne arnaıy tehnıka jumyldyryldy», - delingen aqparatta. 

Qar sýyn tazartý jumystary túngi ýaqytta da jalǵasa bermek. Bir kún ishinde Semeıde barlyǵy 2 myń tekshe metrden astam sý soryldy.

Eske salsaq, osyǵan deıin Semeıdegi sý sorý jumystaryna áskerılerdiń tartylǵany habarlanǵan.