Semeı kóshelerinde manıak qyzdardy ańdyp júr - feık
Semeı qalasynyń sol jaǵalaýynda manıak júrgeni jaıly jalǵan aqparat taraýda, dep habarlaıdy Kazinform.
Semeılikter arasynda qalanyń sol jaǵalaýynda manıaktyń qyzdardy ańdyp júrgeni, sol úshin kóshege shyqpaý qajettigi týraly aqparat tarady. Bunyń aq-qarasyn Abaı oblystyq Polıtsııa departamenti ajyratyp berdi.
- Bul aqparattyń shyndyqqa janaspaıtynyn habarlaımyz. Halyqqa tek resmı derekkózderden alynǵan málimetke ǵana sený kerektigin eskertemiz. Sondaı-aq Qazaqstan Respýblıkasy Qylmystyq Kodeksiniń 274-baby 2-bóligine sáıkes, buqaralyq aqparat quraldary men telekommýnıkatsııa jelileri arqyly kórineý jalǵan aqparat taratqany úshin aıyppuldan úsh jylǵa deıingi merzimge bas bostandyǵynan aıyrý jazasy kózdelgen, - dep habarlady departamenttiń baspasóz qyzmeti.
