Semeı kóshelerine 60 jańa avtobýs shyqty
ÓSKEMEN. QazAqparat - Shyǵys Qazaqstan oblysynyń ákimi Danıal Ahmetov Semeı qalasynda 60 jańa avtobýsty marshrýttyq jelige shyǵarý sharasyna qatysty, dep habarlaıdy QazAqparat tilshisi.
Jobany semeılik «Daewoo Bus Kazakhstan» birlesken kásiporny júzege asyryp otyr. Byltyr el Úkimeti jolaýshylardy avtobýspen tasymaldaý isin damytý boıynsha keshendi sharalar qabyldaǵany belgili. Osyǵan oraı, semeılik avtobýs parkterine 170 avtboýs jeńil baǵamen usynylǵan bolatyn. Jobanyń jalpy quny 4 mlrd teńge shamasynda.
«Qaladaǵy avtobýstardyń eskirgenin alǵash eki jyl buryn kózimmen kórgen edim. Qazir sol kezde tozyǵy jetken joldar jóndelip, halyq minetin avtobýstar jańalanyp jatyr. Bul basy ǵana. Qaladaǵy avtobýstardyń 90 paıyzy osyndaı jańa ári yńǵaıly kóliktermen almastyrylatyn bolady», - dedi aımaq basshysy.
«SemAz» JShS bas dırektory Ásemqan Dosqujanov jańa avtobýstardyń barlyǵy arnaıy pandýstarmen jabdyqtalǵanyn aıtady. Al taqymyna jaıly avtobýs tıgen júrgizýshiler bul jobanyń der kezinde qolǵa alynǵanyn jetkizdi.
«Qala kóshelerinde jańa avtobýstardyń jurtty tasyp júrgeni kózge jyly ushyraıdy eken. Munyń bári memlekettik qamqorlyqtyń arqasy. Qalamyz birtindep jańaryp keledi», - dedi shahar turǵyny Erkejan Amangeldıeva.
