«Semeı» komandasy fýtzaldan Qazaqstan chempıony atandy

ASTANA. KAZINFORM - Abaı oblysynyń «Semeı» komandasy fýtzaldan 2024 jylǵy Qazaqstan chempıony atandy.

Búgin fınaldyq saıysta «Semeı» men almatylyq «Qaırat» kezdesti. Negizgi kezeń 3:3 esebimen teń aıaqtaldy. Penaltı tebýden semeılik klýbtyń mereıi ústem boldy.

Al 3-oryn úshin saıysta «Atyraý» komandasy «Aıatty» 3:0 esebimen jeńdi.

Fýtzaldan el birinshiligi 1998 jyldan beri turaqty túrde ótkizilip keledi. Qazirge deıin almatylyq «Qaırat» 20 márte jeńis tuǵyryna kóterildi.

Aıta ketsek, almatylyq ujym 2004 jyldan beri bas júldeni eshkimge ustatpaı kele jatqan edi. Bıyl alǵash ret kúmis júldeni qanaǵat tutýǵa májbúr boldy.

Sondaı-aq el birinshiliginde almatylyq «Álibı» (2000, 2001, 2002) - úsh márte, astanalyq «Jigitter» (2003) men rýdnyılyq «Aıat» (1999) bir-birden chempıon atanǵan edi.

Eske salsaq, budan buryn Qazaqstan quramasy sýrdo fýtzaldan álem chempıonatynyń kúmis júldegeri atandy.