Semeı kolonııasyndaǵy azaptaý oqıǵasyna baılanysty tergeý bastaldy
ASTANA. QazAqparat - Semeı qalasyndaǵy kolonııada jazasyn ótep jatqan sottalýshynyń vıdeojoldaýy tekserilgennen keıin, QR QK-niń 146-baby («azaptaý») boıynsha sotqa deıingi tergeý jumystary bastaldy, dep habarlaıdy «QazAqparat» tilshisi QR Bas prokýratýrasyna silteme jasap.
Tergeýdi ShQO prokýratýrasynyń arnaıy prokýrory júrgizýde.
Eske sala keteıik, ótken aptada áleýmettik jelilerde jazasyn óteýshi er adamnyń beınejoldaýy taraǵan edi. Ol túrme qyzmetkerlerinen qysym kórgenin jáne ózin-ózi baýyzdamaq bolǵanyn aıtty.
Sonymen qatar Almatydaǵy kolonııada áıelderdi uryp-soǵý faktileri de tekserilip jatyr.
Bas prokýratýranyń «QazAqparat» HAA-nyń resmı saýalyna bergen jaýabynda, sondaı-aq bas bostandyǵynan aıyrý oryndarynda sottalǵandardy qorlaýǵa jol berilmeıtini aıtylady. Ótken jyly túrmedegilerdi azaptaǵany úshin Qylmystyq-atqarý júıesi komıtetiniń 6 qyzmetkeri sottalǵan. 2016 jyly 4 qyzmetker bas bostandyǵynan aıyryldy.
